Os nosos socios

Entre os nosos socios contamos con Antonio León, un cantante coruñes que comezou a súa carreira dando concertos no Lautrec e que formou parte do grupo Tirando P´alante que chegaron a ser finalistas no concurso Ducados Music 2001. Antonio mantén contactos entre moita xente relacionada co mundo da música da cidade, entre eles os Moondogs Blues Party ou César de Centi.

Antonio continúa a facer música e podédela escoitar no seu myspace ou no youtube:

http://www.myspace.com/esantonioleones




Antonio ten un disco grabado que se pode adquirir no Centro Domingo García Sabell a un prezo de 3 euros...se estades pensando regalos para navidade, aquí xa tedes unha idea!

Cursos da Aula Net do Centro Domingo García Sabell

O Centro Domingo García Sabell pon á disposición dos seus usuarios varios cursos a través da súa Aula Net durante os meses de novembro e decembro, todos eles de 17:00 a 18:30 horas.

Se queredes apuntarvos a algún deles so tedes que chamar ao teléfono do Centro: 981 240 824 ou falar coa consexe directamente. Estes son os cursos impartidos:

Taller de Word avanzado
9, 10, 14, 15, 16 e 17 de novembro.
Para practicar e ampliar as posibilidades neste procesador de textos.


Obradoiro “Navegando en Internet”
21, 22, 23 e 24 de novembro.
Como e onde atopar novas e información, como crear un correo electrónico e consultalo, compras en Internet etc

Obradoiro “O meu foro”
21, 22, 23 e 24 de novembro.
Como crear un foro gratuíto e compartir as experiencias e aficións, coñecer xente etc 

obradoiro de Fotografía dixital
12, 13, 14, 15, 19, 20, 21 e 22 de decembro.
Retoque de fotografías dixitais con programas específicos.

Visita de Francisco Jorquera e Xosé Manuel Carril

Hoxe recibimos no Centro Municipal Asociativo Domingo García Sabell todas as asociacións a Francisco Jorquera (candidato do BNG ao Congreso) e a Xosé Manuel Carril (portavoz municipal do BNG). Falamos con eles sobre a problemática das enfermidades crónicas e/ou raras e manifestaron o seu interese sobre o día a día dos afectados por estas enfermidades.

Expresaron así mesmo o seu convencemento de que o que interesa a día de hoxe é potenciar as políticas sociais e non recortalas, para así manter o Estado de Benestar que acadamos.

Ligazóns en prensa:

La Opinión
Europapress
BNG-Galiza

Sardiñada na Asociación

Queremos informarvos de que o venres 1 de xullo no Centro Municipal Asociativo "Domingo García Sabell" organizaremos unha Sardiñada a partir das 17.00 horas da tarde. Haberá pan, sardiñas, empanada, viño e queimada. A tarde estará amenizada pola Coral de Culleredo.

Tamén haberá un concurso de tortillas e teremos dous premios, un ao mellor sabor e outra á máis orixinal.

Todos aqueles socios que queirades asistir podedes chamar aos seguintes teléfonos antes do 24 de xuño e aportar 1 euro por persoa:
-Acem 981 240 985
-Centro 981 184 378

Animádevos que vos agardamos!